Ang Pagpili sa Babaeng Mapapangasawa

pinag-utos sa sinumang lalaking nagnanais na mag-asawa na pumili ng babaeng kanyang mapapangasawa. Narito ang ilan sa mga katangian ng babae na itinagubilin ni Propeta Muⱨammad (Ṣalla-Allǎhu Àlayhi wa Sallam) na dapat piliin: 1. Ang babaeng palaanakin at mapagmahal. Ayon kay Anas na anak ni Mâlik (Raḍi-Allǎhu Ànhu) kanyang sinabi: sinabi ng Sugo ng Allǎh (Ṣalla-Allǎhu Àlayhi wa Sallam): “Pangasawahin (pakasalan) ninyo ang (babaeng) palaanakin na mapagmahal sapagkat katotohanang ipagdadami (o ipagmamalaki) ko kayo sa mga Propeta sa araw ng paghuhukom.” Iniulat ang Ⱨadeeth na ito ni Imâm Aⱨmad. Tingnan ang Subulos Salâm Sharⱨ Buloogh Al-Marâm, Ⱨadeeth 3/920, Ikatlong Bahagi, Pahina 113. 2. Ang babaeng may salapi, may magandang asal, may itsura at higit sa lahat ay relihiyosa, gayon man, ang pagkarelihiyosa ng isang babae ay magiging sapat na. Ayon sa ama ni Hurairah (Raḍi-Allǎhu Ànhu), sinabi ni Propeta Muⱨammad (Ṣalla-Allǎhu Àlayhi wa Sallam): “Pinakakasalan ang isang babae para sa apat na bagay (o dahilan): para sa kanyang salapi, sa kanyang kaasalan, sa kanyang kagandahan at sa kanyang relihiyon, at gawin mong magiging sapat na upang iyong piliin ang (babaeng) may pagkarelihiyosa dahil maaalabukan ang iyong dalawang kamay (kapag hindi mo ito pinili).” Napagkasunduan ang Ⱨadeeth na ito nina Al-Bukhâri at Muslim, Tingnan ang Subulos Salâm Sharⱨ Buloogh Al-Marâm, Ⱨadeeth 4/921, Ikatlong Bahagi, Pahina 113. Ang ibig sabihin ng “maaalabukan ang iyong dalawang kamay” ay bilang panalangin upang dumanas ng paghihirap ang isang lalaking nagnanais na mag-asawa sa babaeng walang pagkarelihiyosa. Tingnan ang Fiqhos Sunnah, Ikalawang Bahagi, Pahina 14, Paalaala sa ibaba.